محمد البصري
دموع جدبد
المساهمات : 9
تاريخ التسجيل : 27/02/2008
العمر : 35
 | موضوع: اجمل الابوذيات وارقاهن وفر عن نفسك عناء البحث في المواقع  الجمعة فبراير 29, 2008 5:12 am | |
| نبض كَلبي يصيحن حيل بس عود
بنحس عايش ولا فد يوم بسعود
ذبل وردي يناهي وباقي بس عود
بعد ما جان يزهي انكَطع ميّه
***********
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكــم
ويريت الحلم واليقــضه سويه
***********
انة جناح الحزن رفرف منسماي
يموت الموت لو يشرب من سماي
اضن تختض لو تعرف منسماي
واخاف عليك لا تنصدم بية
*********
احبكم اكثر من الكون وانـسة
وعندي الموت اذا يرضيك ونسة
ما فارگ ابد ذكراك ونــسة
واقدم روحي لعيونك هدية
*********
الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية
*********
تهذبنا بهواكم وانتهينه
وادور هناك عنك وانت هينه
الكلب بيدك يغالي وانت هينه
تهين وتأمر وتنهي عليه
*********
غالي الدهر بجفاكم بلانه
وقدر مكتوب من الله بلانه
شلون اتنام يالغالي بلانه
وحنه سنين عشرتنه سويه
*********
يفز مثل الكَة كَلبي منشفاه
وعسل يالجان مشروبي من شفاه
عسه كلمن كَطع شفي من شفاه
بمرض لا للشفه ولا للمنيه
*********
يفز كلبي لوليفي وافر بي
اشبكَة ومن فرحتي اركص وافربي
اذا شتا وجو بارد ووفر بي
احس تموز حضنه يصير اليه
*********
وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه
*********
غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــه
*********
سوالف راحن ببالي واجن حين
حين اتسودن بحبك واجن حين
كلب طير ارتجي من الله وجنحين
اطيرا ليك بيهن كل مسيه
*********
شتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر للناس كلهه ومتره اليه
*********
ظلام البيك داكن شقسمانه
وتريد وياك عالحب شقسمانه
جلد كلبك اعرفه شقسمانه
شجاني وجبت كلبك بين اديه
********* | |
|
حموديـے ألبصراويـے
المساهمات : 85
تاريخ التسجيل : 24/02/2008
العمر : 34
| | موضوع: رد: اجمل الابوذيات وارقاهن وفر عن نفسك عناء البحث في المواقع الجمعة فبراير 29, 2008 6:26 am | |
|
أبــــــــوذيات روعه يسلمووووو
| |
|
